Topishmoqlar toplami

Eng sara bir biridan qiziqarli topishmoqlar to’plamini qabul qilib oling.

Polizda koptok bo`lib,
Dumalab yotar, to`pmas,
Dehqon bobom avaylab,
Oziq, suv berar termas.

Sharqdan bosh ko`tarar u,
Har tong sog`inar bizni.
Ko`rmasak turolmaymiz
Olov yuzli qirmizli.

Singlimga o`xshar o`zi,
Aslo yumilmas ko`zi.

Ertak she`r-u matnlar
Yashar bir mamlakatda.
Dunyoni o`rganishda
Uning xizmati katta.

Suv ostida makoni,
Chuvalchang uning joni.
Qo`lda turmaydi, silliq,
Tanga to`nli u …

Onam, singlim, opamning
Qo`llarida o`ynaydi,
Hovli uyni har kuni
Tozalaydi, to`ymaydi.

Qozonda emas, qaynaydi,
Qishin yozin tinmaydi.

Dum-dumaloq oq uydan
Jajji qush uchib chiqar
“Chiy-chiy”lar murg`ak dili,
Olamni quchib chiqar.

Qatorma –qator
Zanjirday o`tar.

Dov -daraxtda zar chakmon,
Tugmalari oq guldan
Qirlarda ko`k dasturxon,
Bahra olishar nurdan.
Mohir chevar kim ekan.

Gul ustida jajji ashulachi.

Ko`p qirrali to`rtburchak,
Kerak bo`lar uy qursak.

Tunlari osmonga boq,
Mingda ko`z bari uyg`oq.